Woman and girl sitting on front steps with a black railing
Find a Lender

English | Español | Soomaali

Npaj Rau Kev Los Ua Tswv Tsev

This webpage was translated from English as a convenience to people with limited English skills. We try to provide accurate translations, but slight differences may exist. If there is a difference between the English version and a version in another language, the English version is the official one.

Cov ntawv no tau muab txhais ua lus Hmoob los pab cov neeg tsis paub nyeem ntawv Meskas. Peb sim muab kev txhais lus kom raug, tab sis tej zaum yuav muaj kev sib txawv me ntsis. Yog muaj kev sib txawv ntawm cov lus Meskas thiab qhov txhais ua lwm yam lus, qhov lus Meskas yog qhov tseem.

Yeej zoo heev, kev yuav ib lub tsev yog ib qho kev nqis peev muaj nqis heev li. Tiam sis kom qhib tau lub qhov rooj yog ib qho kev nyuaj thiab.

Nws yeej tsis lig los npaj yuav ib lub tsev, thiab peb muaj cov kev pab kom pab pib tau rau koj.

Mus kawm ib chav

Peb pom zoo kom koj mus kawm ib chav txog kev yuav tsev. Cov chav kawm no muaj nyob rau tus nqi me me los sis tsis muaj nqi them, thiab koj yuav kawm txog txhua yam ntawm kev yuav tsev – txij ntawm kev npaj nyiaj txiag mus txog kev yuav ib lub tsev thiab lub neej los ua ib tug tswv tsev tshiab. 

Yog tias txhua tus neeg qiv nyiaj hauv koj tsev neeg yog tus yuav tsev thawj zaug thiab koj npaj siv peb cov kev pab cuam, koj yuav tsum kawm tiav ib chav txog kev yuav tsev ua ntej yuav kaw tsev.  Thiab cov neeg uas tau yuav tsev lawm kuj hais tias cov chav kawm no muaj nqis heev.

Cov chav kawm hauv qab no tuaj yeem suav tias yog chav kawm txog kev yuav tsev:

NCO NTSOOV: Txhua qhov kev kawm txog kev yuav tsev uas tau kev pom zoo thiab teev saum toj no yeej siv tau rau txhua hom nyiaj qiv yuav tsev thawj zaug (Fannie, Freddie, FHA, VA, RD). Fannie Mae HomeView® tsis yog ib qho kev kawm uas tau kev pom zoo.

Tham nrog ib tus Kws Pab Tswv Yim

Tham nrog ib tus Kws Pab Tswv Yim

Peb tseem txhawb kom koj tham nrog ib tus kws pab tswv yim txog kev ua tswv tsev. Cov kws pba tswv yim muab kev taw qhia raws li qhov xwm txheej koj muab. Lawv tuaj yeem pab koj mus dhau txoj kev yuav tsev, muab tswv yim rau koj txhim kho koj daim qhab nia credit, thiab ntau yam ntxiv.

Nrhiav ib tug Kws Pab Tswv Yim qhia txog los ua ib tug tswv tsev hnub no!

Tau Kev Pab Los Ntawm Cov Kws Pab Tswv Yim Ntawm Nyiaj Txiag

Kev pab tawm tswv yim txog nyiaj txiag yuav pab koj npaj rau kev yuav thiab ua tswv tsev raws li koj li nyiaj txiag.

Nws tuaj yeem pab koj:

  • Paub txog koj cov qhab nia credit
  • Tsim ib daim ntawv siv nyiaj
  • Txo cov nuj nqis
  • Tsim ib lub hom phiaj los khaws nyiaj

Yog koj xav tau ib tug neeg los cob qhia thiab pab koj txog nyiaj txiag raws li koj txoj kev xav tau, tiv tauj ib lub koom haum uas muab kev pab cuam Homeownership Capacity Program.

Nrhiav Ib Tug Neeg Qiv Nyiaj

Peb ua hauj lwm nrog ib qhov network ntawm cov neeg qiv nyiaj thoob plaws lub xeev los pab koj tau txais kev pab yuav tsev thiab cov nyiaj qiv rau kev tso nyiaj thiab nqi kaw tsev uas koj xav tau. Peb qhov network tuaj yeem teb cov lus nug txog peb cov kev pab cuam, qhov tsim nyog tau cov pab cuam, thiab qhov twg yuav zoo tshaj rau koj.

Nrhiav ib tug neeg qiv nyiaj thiab qhia rau lawv tias koj xav tau qhov qiv nyiaj pab cuam ntawm Minnesota Housing!

Xav yuav tsev nyob rau xyoo 2026?

Nyob ntawm seb koj tsev neeg muaj pem tsawg leej thiab thaj chaw koj nyob, koj tuaj yeem khwv tau txog $196,600 es tseem tuaj yeem tau kev pom zoo rau peb qhov kev pab cuam tswv tsev.

Koj puas tau hnov tias koj yuav tsum tso nyiaj li 20% thiab yuav tau ib lub tsev? Qhov no kuj tsis tseeb thiab.  Qee cov chaw qiv nyiaj rau vaj tsev xav kom tso nyiaj li 3% xwb.  Peb cov kev pab cuam qiv nyiaj rau cov nqis tso nyiaj thiab kaw tsev tuaj yeem pab them cov nqi ntawd yog koj tsim nyog tau.